Isang Malungkot na Balita para sa Basketball Fans: Kai Sotto na Torn ACL

Kai Sotto Torn ACL, January 8, 2025

Napakasakit ng balitang ito para sa mga tagahanga ni Kai Sotto at ng Philippine basketball. Kinumpirma na ni Kai na siya ay may Torn ACL at kailangang magpahinga nang hindi bababa sa anim na buwan. Isang malaking dagok ito, lalo na’t kitang-kita ang patuloy na pagbuti ng kanyang laro sa Japan. Napakaraming inaasahan mula sa kanyang pag-usad, ngunit dahil sa hindi inaasahang pangyayari, pansamantalang napurnada ang kanyang momentum.

Higit pa rito, hindi rin makakalaro si Kai sa Gilas Pilipinas sa loob ng mahabang panahon, at maaaring maapektuhan ang kanyang tsansa na makapasok sa NBA. Bagamat maraming manlalaro ang nakarecover mula sa ACL injury at nagpatuloy sa matagumpay na career sa NBA, hindi maikakaila ang bigat ng hamon na ito.

Gayunpaman, tunay na kahanga-hanga ang pananampalataya at positibong pananaw ni Kai. Sa kabila ng pagsubok, sinabi niya:
"Darkest day man ito ng aking basketball career, huwag tayong mawalan ng pag-asa dahil may ibang plano ang Diyos para sa atin."

Bilang mga tagahanga, ang maitutulong natin ngayon ay ang patuloy na pagsuporta at pagdarasal para sa kanyang mabilis at matagumpay na recovery. Huwag nating kalimutan ang saya at pag-asang naibigay ni Kai sa atin. Ang laban niya ay laban din natin.

Laban lang, Kai! Kami ay nasa likod mo, ngayon at palagi. 💪🙏